Naatsorsueqqissaartarfiup iliniartut pillugit paasissutissaliortarnera

Naatsorsueqqissaartarfik Ilinniagaqarnersiuteqartitsivimmit Kalaallit Nunaanit ilinniarnermusisartut pillugit paasissutissanik pissarsisarpoq. Ilinniagaqarnersiuteqartitsivik Ilinniartaanermut, Kultureqarnermut, Ilisimatusarnermut Ilageeqarnermullu Naalakkersuisoqarfiup ataani inissisimavoq. Ilinniartut piginnaanngortitsisartumik Kalaallit Nunaanni nunaniluunniit allani ilinniarnertik pillugu ilinniarmusisartut pillugit paasissutissaat Ilinniagaqarnersiuteqartitsivimmit Naatsorsueqqissaartarfimmut tunniunneqartarput. Datat pineqartut Naatsorsueqqissaartarfimmit nalilersoqqissaarneqartarput taakku tunngavigalugit kisitsisitigut paasissutissat ilinniartitaanermut tunngasut saqqummersinneqartarput. Datat periaaserlu pillugit itisiliinerit Naatsorsueqqissaartarfiup ilinniartitaanermut tunngasunik ukiumut ataasiarluni saqqummersitagaani pissarsiarineqarsinnaapput.

 

Naatsorsueqqissaartarfik, UNESCO-mi nunat tamalaat akornanni kisitsisitigut paasissutissiinermut tunngaviusoq ISCED2011-mik taaneqartartoq tunngavigalugu ilinniartitaaneq pillugu kisitsisigut paasissutissanik suliaqartarniarpoq. ISCED malillugu ilinniakkat ukununnga immikkoortinneqarsinnaalerput; inuussutissarsiutimik sivikitsumik ilinniarneq, akunnattumik sivisissusilimmik bacheloritut nalilimmik ilinniarneq sivisuumik kandidatitut ilinniarneq.

 

2015-imi Naatsorsueqqissaartarfimmit ilinniartitaaneq pillugu kisitsisitigut paasissutissat iluarsaanneqarput. Ukiut pingasut siulliit kisitsisaagallartassapput, kisitsisit siusinnerusumeersut kisitsisiviusassallutik.